Tuesday, July 27, 2010

Sa Aking Mga Kabata (Tula)
Jose Rizal

“Ang hindi magmahal sa kanyang salita, mahigit sa hayop at malansang isda.”

Kapagka ang baya’y sadyang umiibig

sa kanyang salitang kaloob ng langit.

sanlang kalayaa’y nasa ring masapit

katulad ng ibong nasa himpapawid.

Pagkat ang salita’y isang kahatulan

sa bayan, sa nayo’t mga kaharian,

at ang isang tao’y katulad, kabagay

ng alin mang likha noong kalayaan.

Ang hindi magmahal sa kanyang salita

mahigit sa hayop at malansang isda;

kaya ang marapat, pagyamaning kusa

na tulad ng isang tunay na nagpala.

Ang wikang Tagalog tulad din sa Latin

Sa Ingles, Kastila at salitang anghel,

Sapagkat ang Poong maalam tumingin

Ang siyang naggawad, nagbigay sa atin.

Ang salita nati’y huwad din sa iba

Na may alpabeto at sariling letra

Na kaya nawalay dinatnan ng sigwa

Ang lunday sa lawa noong dakong una.

No comments:

Post a Comment